You are currently browsing the category archive for the ‘Na carriña’ category.

Entramos en período de reflexión, aínda que non durará moito: o venres 10 estamos en Ouzande (A Estrada), xunto con Narf, no festival Música x dez; o sábado 11 despedimos o Rock en Costa, que para tantos de nós significou moitísimo. Máis abaixo, a nota de prensa do festival máis grande que se coñeceu.

TODO LISTO PARA A DERRADEIRA EDICIÓN DO COMPOSTELÁN FESTIVAL ROCK EN COSTA
Samesugas, Royalties, L’Uomo di Gomma, The Homens e Redullos tocarán na despedida da cita musical do Castiñeiriño, que cumpre xa dez anos

O concerto, con entrada de balde, levarase a cabo o 11 de xuño no patio do antigo Colexio Ramón Cabanillas, na rúa do Restollal

Dosier, imaxes e clips de audio e vídeo picando aquí.

Santiago de Compostela, 03-06-2011. Despois de dez edicións, o ROCK EN COSTA despídese neste 2011 cun cartel cen por cento compostelán. Todo está xa preparado para o concerto, no que as bandas SAMESUGAS, ROYALTIES, L’UOMO DI GOMMA, THE HOMENS e REDULLOS (que se reúnen tras cinco anos e só para esta data), todas elas vencelladas ao festival e á organizadora Asociación Xurásica, serán as encargadas de poñer música á baixada de telón desta cita anual co mellor rock de Galicia e Portugal. O ROCK EN COSTA 2011 intégrase, ademais, dentro do programa de FESTAS POPULARES COMPOSTELA 2011, unha alternativa popular ás festas institucionais organizada por diversos colectivos de Santiago.

O festival ROCK EN COSTA naceu a principios de século como extensión da actividade da Casa Xurásica, o local de ensaio polo que pasaron boa parte dos grupos de rock composteláns dos últimos tempos, de Fame Neghra aos Fulsomes ou os Redullos, pasando por Samesugas, Por Teléfono, Street Fighter ou Pollegros. Nas súas dez edicións, o festival destacou polo seu compromiso cos barrios como motores culturais das cidades e pola aproximación entre as músicas de Galicia e Portugal.

Cinco grupos vencellados á Xurásica
Nesta derradeira edición serán os grupos vencellados á Asociación Xurásica os que dean a despedida á cita. SAMESUGAS, cun novo disco a punto de ser editado, porán de novo sobre as táboas un dos directos máis contundentes do país; o seu punk rock suoroso suma agora máis melodía sen perder intensidade nin vatios.

Tamén apostan pola vertente máis intensa do rock os ROYALTIES. A banda máis escandinava de Compostela leva uns meses presentando o seu terceiro disco, Sen volta atrás, agora con formación reforzada por un guitarrista máis e por ventos.

L’UOMO DI GOMMA son, pola súa banda, a última banda en chegar ao universo da Xurásica, aínda que os seus compoñentes son veteranos da escena, con experiencia en grupos como The Homens, Fulsomes ou Samesugas. Practican un punk experimental e atronador, plasmado polo momento no EP Tea party (2010).

Á despedida do ROCK EN COSTA acudirán tamén THE HOMENS, unha das bandas máis activas do país. Desde a súa aparición no 2004, os composteláns levan cerca de 200 concertos, os 50 últimos nun formato acústico-ruidista no que reinterpretan os seus temas de pop extremo en clave austera, psicodélica e melódica.

Reunión duns clásicos
Ademais, para a ocasión xuntaranse por primeira vez REDULLOS, o clásico grupo compostelán disolto hai xa un lustro. Históricos dos noventa, os seus compoñentes orixinais subirán ao palco para interpretar, en exclusiva para o último ROCK EN COSTA, temas que xa forman parte da memoria colectiva do rock santiagués.

ROCK EN COSTA 2011_______

SAMESUGAS
ROYALTIES
L’UOMO DI GOMMA
THE HOMENS
REDULLOS

Sábado 11 de xuño. 21:00 horas.
Patio do antigo Colexio Ramón Cabanillas, rúa do Castiñeiriño 21, Compostela
Entrada de balde

myspace.com/rockencostafestival
facebook.com/xurasica
http://festaspopularescompostela.blogspot.com/

(Nota de prensa, a cañón)

O grupo compostelán actúa no pub Ultramarinos ás 22.30 horas, con entrada a 5 euros

Interpretarán por última vez o repertorio acústico co que fixeron 50 concertos por toda Galicia nos últimos nove meses

O grupo compostelán The Homens pechará o próximo martes 24, no pub Ultramarinos de Santiago de Compostela, a ampla xira acústica na que estiveron inmersos os últimos nove meses. Este concerto, que marca un cambio de ciclo para o conxunto, terá lugar ás 22.30 horas. A entrada custa 5 euros.

The Homens pasaron os últimos nove meses xirando por medio cento de localidades galegas, cun repertorio no que as súas cancións de pop potente e rabioso se transformaban en versión acústica, con maior peso das percusións e das melodías de voz. O concerto do Ultramarinos, o martes, será a última ocasión de velos neste formato.

The Homens levan xa seis anos tentando cadrar a ecuación que mestura melodía, enerxía e actitude. Apegados á nova onda de finais dos setenta, o post hardcore dos oitenta e o pop británico de calquera década, Xocas (batería), Roi (baixo e voz), Martin Wu (guitarra e voz) e Cristovo (teclas, pandeiretas e demáis enxeñería eléctrica) levan case 200 concertos, dous Eps autoeditados (#1, do 2005, e #2, no 2006) e outros dos LPs (Tres, editado por Falcatruada no 2007, e Cuarta potencia, posto á venda por Lixo Urbano no 2009).

THE HOMENS – versión case acústica

Martes, 24 de Maio – 22:30 – 5€
Pub Ultramarinos
Casas Reais, 34
Santiago De Compostela

Máis información: 686 976 139 * www.thehomens.com * facebook.com/thehomens  *ultramarinos.org

Mañá mércores participaremos no Concerto Solidario coa segunda Flotilla da Libertade, que pretende romper o bloqueo que sobre Gaza exerce Israel, estado pioneiro nesas execucións internacionais extraxudiciais que agora todo o mundo aplaude (por moi malvado que sexa o jicho en cuestión, hai portas que non sei se convén abrir, non?). O concerto organízao BDS-Galiza , e nel estarán García MC, Quempallou e Carlos Blanco. É ás 21.00 horas na sala Nasa de Santiago DC, e a entrada custa 5 euros.

Tedes máis información aquí:
www.rumboagaza.org
bds-galiza.org

Vaia mes de maio que nos espera… Nas próximas semanas remata Detrás da canción e comeza a vida de despois, se é que existe. E, en xuño, o Rock en Costa, que vai ser para non esquecer!

Venres, 29 de abril
DETRÁS DA CANCIÓN en ABEGONDO
Obradoiro: Telecentro, 18.00h.
Concerto: Salón de Actos do Concello, 20.00h.

Domingo, 1 de maio
DETRÁS DA CANCIÓN en GUITIRIZ
Obradoiro: Telecentro, 18.00h.
Concerto: Casa Habanera, 20.00h.

Mércores, 4 de maio
Concerto solidario coa II Flotilla da Liberdade – RUMBO A GAZA!
GARCIA MC + THE HOMENS + QUEMPALLOU. Presentado por CARLOS BLANCO
Sala Nasa, Santiago DC, 21.00 horas. 5€
Organiza: BDS-Galiza

Venres, 13 de maio
DETRÁS DA CANCIÓN en A FONSAGRADA
Obradoiro: Telecentro-Casa da Cultura, 18.00h.
Concerto: Casa da Cultura, 20.00h.

Sábado, 14 de maio
DETRÁS DA CANCIÓN en CATOIRA
Obradoiro: Telecentro-Biblioteca Pública Municipal, 18.00h.
Concerto: Salón de Actos, 20.00h.

Domingo, 15 de maio
DETRÁS DA CANCIÓN en VEDRA
Obradoiro: Telecentro, 18.00h.
Concerto: Centro Sociocultural, O Burgo, 20.00h.

Luns, 16 de maio
DETRÁS DA CANCIÓN en A ESTRADA
Obradoiro: Telecentro, 18.00h.
Concerto: Teatro Principal, 20.00h.

Martes, 24 de Maio
THE HOMENS (versión case acústica)
Pub Ultramarinos. Casas Reais, 34, Santiago DC.
22.30 horas. 5€.

Velaquí unha imaxe e unha reseña dun dos nosos concertos máis bonitos.

Mañá venres estamos con Detrás da canción en Vigo.

DETRÁS DA CANCIÓN en VIGO
Obradoiro: Telecentro, 18.00h.
Concerto: MARCO, 20.00h.

Repasando no noso blog (si, aínda temos diso, aínda que sexa tan antigo coma pintar bisontes nas paredes) as entradas correspondentes ao 2010 que remata parece mentira que nos pasasen tantas cousas. Desde logo, nós non o esperabamos. Nos últimos doce meses tivemos de todo, a saber:

– Un cambio de local de ensaio, despois de que o anterior o levase por diante o progreso (o AVE, non o de Lugo).

– Un monte de concertos de presentación da Cuarta potencia.

– Varias visitas ilustres (coma esta dos Nueva Vulcano ou estoutra dos Vistalegre), coas súas festas correspondentes.

– Algunhas críticas que nos fixeron sentir moi orgullosos e outras que nos fixeron rir, entrevistas que nos fixeron sentir gratitude, programas de televisión nos que se acordaron de nós (coma este), e mesmo un libro no que saímos (disque tamén nos citan nun libro de texto de Primaria…)

Aniversarios que pasaron desapercibidos, homenaxes nos que participaríamos mil veces e o noso quinto cumpreanos, que celebramos con versións e unha gomaza histórica.

Debuts acojonantes como L’Uomo di Gomma, o supergrupo xurásico no que toca o baixo Roi.

– Un karaoke no que aparece o noso ‘Calamar’ e un recopilatorio de rock compostelán, Come on Pelegrín, no que sae o ‘Tigre, tigre!

– O Rock en Costa, por suposto!

– O inicio de Detrás da canción, un proxecto en acústico que nos levará por cincuenta localidades galegas de aquí a maio (levamos vinte, máis ou menos), e que nos está abrindo un camiño de guitarras acústicas, trebellos simpáticos e electrónica doméstica que non dubidedes que aproveitaremos para as cancións que veñan no futuro, se é que veñen (as cancións e o futuro).

– E, de postre, un concerto en Varsovia con nevada histórica incluída, unha desas cousas que se recordan toda a vida.

Moitas gracias a todos e a todas os que nos viñestes ver, ou nos levastes tocar, ou nos visitastes, ou nos apreciastes aínda que fose un pouquiño neste 2010. Que teñades un 2011 menos apocalíptico do que se anuncia por aí. E recordade: queredes a goma, pero a goma págase.

 

Perdoade a falta de noticias; nada máis aterramos (de milagro, o pollo dos controladores cazounos nada máis saír do avión) de Varsovia, xa nos puxemos coa semana fantástica de Detrás da canción, a saber: onte luns estivemos en Chantada, hoxe en Sarria (desde onde escribo) e mañá en Quiroga. O xoves libramos, e venres, sábado e domingo pasaremos por Ourense, O Carballiño e Celanova, respectivamente.

Temos gana de contarvos moitas cousas da nosa viaxe a Polonia, e agora mesmo pouco tempo. Quede apuntado xa o noso agradecemento eterno a Ana Garrido, lectora de galego na Universidade de Varsovia, sen quen nunca teriamos chegado tan lonxe, no xeográfico e no figurado. E tamén a nosa admiración por xente coma Abel, vigués-polaco que en tres meses sairá en chancletas á neve; ou Ana Somoza, a anterior lectora, que nos subiu ao pico mesmo do Palacio das Artes e das Ciencias (a casa da cultura da Diputación de Varsovia); ou Tomek, Aitor e toda a xente que coñecimos e que tivo o valor para vir vernos ao Saturator nunha noite de tranvías avariados, metro de neve e 20 graos baixo cero no exterior.

En breve, fotos e historias (esperamos).

Ah! Xa tedes Tea party, o primeiro EP de L’Uomo di Gomma, no Bandcamp. Enjoy!

… teñen en común moitas erres e máis que nos próximos días vamos tocar por alá: hoxe DETRÁS DA CANCIÓN está no Telecentro de Becerreá (18.00 o obradoiro, 20.00 o concerto); mañá no Barco (o obradoiro no Telecentro ás 18.00, e o concerto no Teatro Lauro Olmo ás 20.00); e o domingo no Centro Sociocultural de Xuventude e Terceira Idade de Monterroso (tamén ás 18.00h o obradoiro e ás 20.00 o concerto).

Despois de tocar en Monterroso, a metade da expedición (Tomás Ageitos, Marcos Payno e Cristovo, ao que o traballo lle impide vir) volve para Santiago, e os demais marchamos para Madrid, e de Madrid para Varsovia, onde tocaremos o mércores no club Saturator, ás 20.00 horas. Polo visto, ese día pola mañá habemos falar de rock galego na Universidade. Xa vos contaremos.

Este é o programa de mareas que temos de aquí a fin de ano. Chégalle ben!

Novembro

Venres 26: DETRÁS DA CANCIÓN en BECERREÁ. Obradoiro: Telecentro, 18.00h. Concerto: Telecentro, 20.00h.
Sábado 27: DETRÁS DA CANCIÓN no BARCO DE VALDEORRAS. Obradoiro: Telecentro, 18.00h. Concerto: Teatro Lauro Olmo, 20.00h.
Domingo 28: DETRÁS DA CANCIÓN en MONTERROSO. Obradoiro: Centro Sociocultural de Xuventude e Terceira Idade, 18.00h. Concerto: Centro Sociocultural de Xuventude e Terceira Idade, 20.00h.

Decembro

Mércores 1: THE HOMENS en VARSOVIA (formato trío e en eléctrico). Saturator, Listopada 22, Varsovia (Polonia). 20.00h.
Luns 6: DETRÁS DA CANCIÓN en CHANTADA. Obradoiro: Telecentro, 18.00h.Concerto: Igrexa Parroquial, 20.00h.
Martes 7: DETRÁS DA CANCIÓN en SARRIA. Obradoiro: Telecentro – Casa da Cultura, 18.00h. Concerto: Salón de Actos, Casa da Cultura, 20.00h.
Mércores 8: DETRÁS DA CANCIÓN en QUIROGA. Obradoiro: Telecentro, Casa da Cultura, 18.00h. Concerto: Salón de actos, Casa da Cultura, 20.00h.
Venres 10: DETRÁS DA CANCIÓN en OURENSE. Obradoiro: Telecentro, 18.00h. Concerto: Auditorio Municipal, 20.00h.
Sábado 11: DETRÁS DA CANCIÓN en O CARBALLIÑO. Obradoiro: Telecentro, 18.00h. Concerto: Auditorio Municipal, 20.00h.
Domingo 12: DETRÁS DA CANCIÓN en CELANOVA. Obradoiro: Telecentro, Edif. Mosteiro, 18.00h. Concerto: Salón de Actos do Claustro Barroco, 20.00h.
Venres 17: DETRÁS DA CANCIÓN en LUGO. Obradoiro: Telecentro, 18.00h. Concerto: Casa da Música, 20.00h.
Sábado 18: DETRÁS DA CANCIÓN en VERÍN. Obradoiro: Telecentro, Casa da Xuventude, 18.00h. Concerto: Casa da Cultura, 20.00h.
Domingo 19: DETRÁS DA CANCIÓN en XINZO DE LIMIA. Obradoiro: Telecentro, Casa da Cultura, 18.00h. Concerto: Salón de actos, Casa da Cultura, 20.00h.
Luns 27: DETRÁS DA CANCIÓN en ALLARIZ. Obradoiro: Telecentro, Casa da Mocidade, 18.00h. Concerto: Casa da Cultura, 20.00h.
Martes 28: DETRÁS DA CANCIÓN en A CAÑIZA. Obradoiro: Telecentro, Casa da Cultura, 18.00h. Concerto: Casa da Cultura, 20.00h.
Mércores 29: DETRÁS DA CANCIÓN en PONTEAREAS. Obradoiro: Conservatorio Municipal Reveriano Soutullo, 18.00h. Concerto: Centro Artístico Sportivo, 20.00h.

Dentro de quince días marchamos por aí adiante. O día 1 de decembro tocamos no Saturator, en Varsovia, gracias á intercesión de Ana, a lectora de galego da universidade da capital polaca. Por cuestións de calendario, iremos en formación trébol: Cristovo quedará por aquí, pero tomaremos un par delas á súa saúde.

Estamos tan emocionados que non sabemos se levar bermudas ou slip…