You are currently browsing the category archive for the ‘Uncategorized’ category.
Cambados é a nosa segunda patria nesta vida extra na que andamos. O domingo tocamos en Essspop, a mostra de viños espumosos da vila, onde nos volvemos atopar con xente tan fabulosa coma Gus Krazzy Kray (grazas por todo, señor!) ou con Jacobo Aragunde. Tamén foi un gusto coñecer aos Lume! (e a parrillada que nos cascamos aínda máis 😀 )
En breve, datas para o verán!
Foi un pracer e unha honra participar o sábado no primeiro aniversario da sala Krazzy Kray en Cambados, co grandísimo Gus, que nos tratou a corpo de rei (grazas!!). Tamén estivo moi ben compartir mesa, mantel e escenario con Las Hijas de ZP AKA Agoraphobia, boa xente, grandes músicas e insuperables aparcando diante do bar, unha habilidade que se ten que apreciar máis 😉
No vídeo, a nosa versión do Abdul de Os Resentidos.
A Clásica: dise da enchenta que un se pega o día antes dun concerto importante cos obxectivos de a) relaxar a tensión da véspera e b) chegar ao bolo cunha resaca considerable.
Para celebrar a nosa reunión do día 27 estamos subindo todo o material que xuntamos desde 2005 nunha páxina de Bandcamp. De momento están arriba todas as edicións oficiais, aínda que a idea é subir tamén rarezas, cancións que fixemos para recopilatorios, cachos de concertos, fotos comprometedoras e vídeos de primera.
Esta fin de semana vamos a Carballo, Betanzos e Foz con Detrás da canción.
Venres 25: BETANZOS
Obradoiro: Aula de Teleformación – Centro Cultural Santo Domingo, 18.00h. Concerto: Aula de Culturla – Edificio Liceo, 20.00h.
Sábado 26: CARBALLO
Obradoiro: Telecentro, Pazo da Cultura. 18.00h. Concerto: Pazo da Cultura, 20.00h.
Domingo 27: FOZ
Obradoiro: Telecentro – Casa da Xuventude. 18.00h. Concerto: Casa da Cultura, 20.00h.
