Aló vai o 2008! O domingo fixemos en DC o que -se nada cambia- foi o noso último concerto do ano, e tamén o último dunha serie de citas raras (Music.gal, a tele, o Implícate) nas que tocamos un par de temas e para a casa. Así, en frío, queda un como a medias, aínda que a verdade é que en calquera dos tres lugares estivemos ben contentos e ben alimentados…

Aparentemente, imos pasar un mes cocendo cancións novas e amañando as que xa temos, preparando o que vai ser o gran momento (ben, en realidade un dos grandes momentos, hehehe) do 2009: volver en agosto a Sant Feliu, onda o Santi, para gravar o segundo disco longo. Polo momento xa tocamos por aí algún adianto (‘Hamster’, por exemplo), pero queda moito que pedalear (e moito que aforrar) ata o verán.

Volvemos á carga nun mes; o próximo bolo que temos fichado é o do día 6 de febreiro en Melide, no 600, aínda que é posible que haxa algunha cousa en xaneiro. Xa vos contaremos.

Advertisements